بعد الولادةالاساسيات اللي المفروض اعرفها عن الطفل
كتبت /ندى عبد الفتاح
نقلا عن أحد أطباء الأطفال وحديثي الولادة
🤱 يادكتور ابنى اتولد ضعيف اوى وزنه اتنين كيلو ونص!!
👨🏻⚕️ طبيعى جدا لان وزن الطفل الكامل الطبيعى
من اتنين كيلو ونص لتلاته كيلو وتسعمائة.. 2.5
ل 3.9 كيلو.
بعد الولادةالاساسيات
🤱 طب يادكتور انا لسه والده وعاوزه اديله اى
حاجة لحد ما اللبن عندى ينزل ؟
👨🏻⚕️ ماهو السرسوب ده اسمه لبن وكميته قليل
بس مشبعه ومفيدة جدا لانه مليان مضادات
حيوية طبيعة
🤱 طب كنت عاوزه اديله اعشاب أو رضاعة
صناعى أو ينسون
👨🏻⚕️ ممنوع
🤱 طب يادكتور انا لبنى خفيف وعاوزه ادخل
صناعى ؟
👨🏻⚕️ مافيش حاجة اسمها لبن خفيف ولبن تقيل
لانه ببساطه اكتر من ٨٠ ٪ من اللبن عموما مائه
بعد الولادة الاساسيات
🤱 طب أنا ابنى مازادش غير كيلو بس من لما
اتولد وعمره دلوقتى شهر ؟
👨🏻⚕️ اول اربع شهور الطبيعى أنه يزيد بس كيلو الا
ربع كل شهر يعنى هو كده تمام
🤱 طب يادكتور معلش ابنى مولود صدره كبير
شويه وقالولى اعمليله تعصير لصدره .. اعمله ؟
👨🏻⚕️ اوعى ياماما انتى كده هتعملى خراج وصديد
وبلاوى دى هرمونات أنثوية منك يعنى وبمجرد ما
هتتسحب من الدم هيخف لوحده.
🤱 تطعيم الدرن يادكتور بتاع كتفه حاسه أنه
ملتهب اصفيه ؟
👨🏻⚕️ ماتقربيش منه خالص ممنوع هو هيخف
لوحده برضو
🤱 طب يادكتور فى احمرار كده فوق جفون
بنتى من الجانبين ؟
👨🏻⚕️ طبيعى وبيختفى لوحده
🤱 طيب ابنى اليوم التانى أو التالت مش فاكره
بالظبط بدأ عنيه تصفر وباباه حطه تحت لمبه
نيون عشان الصفراء تنزل ؟
👨🏻⚕️ الصفراء اول يوم باثولوجيه يعنى مش
طبيعية وغالبا أسبابها تكسير فى الدم ودى
بتحتاج حضانة لأننا بنعمل تغيير للدم أو الطفل
بيتحط فى الكبسوله أو الغواصه ودى علاج
ضوئى ٣٦٠ درجة يعنى من كل النواحى .. انما
صفرا اليوم التانى أو التالت أو الرابع دى اسمها
فسيولوجية ودى أما تحتاج حضانة بعلاج ضوئى
عادى أو لو النسبة قليله هتحتاج رضاعة فقط
كويسه وممكن نستخدم الأكياس اللى بتحتوى
على الاجار ودى حاجة ثانوية والرضاعة اهم ..
لمبة البيت بقى هتسخنه فقط ومش هيستفيد
منها حاجة فى موضوع الصفراء .
بعد الولادةالاساسيات
🤱 طب يادكتور النقط الزرقا اللى على ضهرة
وعلى فخده من وراء دى حلها ايه ؟
👨🏻⚕️ دى اسمها مونجوليان سبوت ودى طبيعية
وبتروح لوحدها
🤱 معلش بقى يادكتور فى حاجة عاوزه اقول
لحضرتك عليها بس مكسوفه شويه .. وانا حامل
كان نفسى فى حبايتين فراولة وجوزها قالى بس
ياطفسه ومارضيش يجيبهالى واهو يادكتور زى
ماحضرتك شايفه لزقت لابنى بعد ما اتولد 😰
👨🏻⚕️ مش مظبوط ياماما دى وحمه دموية وبرضو
لو حضرتك اكلتى شجرة الفراولة كلها كانت
هتظهر .
بعد الولادةالاساسيات
🤱 ماشى يادكتور والتسلخات بقى ؟
👨🏻⚕️ لازم حضرتك تنشفى كويس لان الفطريات
بتحب المايه وكمان استخدمى ع طول كريم
يحتوى ع الزنك زى موندو أو سودو قبل تغيير كل حفاضه.
🤱 طب والحمام بقى يادكتور عشان احيانا
بحس أنه عنده اسهال وأحيانا بحس أنه إمساك
عاوزه افهم الليله دى !!
👨🏻⚕️ أنماط الإخراج عند حديثى الولادة مختلفه
ممكن يعمل حمام بعد كل رضعه وممكن مرتين او
تلاته فاليوم وممكن كل يومين او تلاته وممكن
كل اسبوع
🤱 كل اسبووووع ياااه كتير اوى .
. وماستخدمش لبوس ملين ؟
👨🏻⚕️ ممكن لو بعد ٣ أو ٤ ايام استخدم لبوس بس
عشان البراز ممكن يبقى ناشف شويه فيعمل
تجريح شرجى انما لو مش ناشف مش هنستخدم.
بعد الولادةالاساسيات
🤱 طب يادكتور شوفلى حل مع الخنفره لانى
تعبت ؟
👨🏻⚕️ الخنفره من علامات نضوج الطفل ودى حاجة
طبيعية والطبيعى مش بيخف هنستخدم نقط
ملح زى اوتريفين بيبى سالين أو سالينكس وكمان
ممكن نستعين بماء البحر زى الفزيومير والماريمير
والبوليمير والفرى نوز وغيرهم وبرضو مش
هيختفى افتكرى انى قولت لحضرتك أنه طبيعى
🤱 طب الخنفره وعرفنا أنها طبيعى والانتفاخ
الرهيب ده يادكتور وبسببه زن طول الليل والنهار
ومش بينام ؟
👨🏻⚕️ نفس الفكره بالظبط اى طفل بيتولد كامل
النمو بيبقى عنده انتفاخ وخنفره واحيانا ارتجاع
وكل ده طبيعى طالما الطفل بيرضع كويس ووزنه
بيزيد ونفسه مش عالى وركزى ياست الكل مع
كل كلمه انا قولتها لأن اى تغيير فيها فده مش
طبيعى
🤱 يعنى كده يادكتور الانتفاخ مش هيخف
خالص ومش هياخد اى أدوية ؟
👨🏻⚕️ بيخف متوسط ٦ شهور وبياخد أدوية
للانتفاخ بس نفس الفكره لأنه طبيعى فممكن
يخف شويه انما مش بيختفى بياخد أدوية زى
الدنتينوكس وماء نونو وغيرهم
🤱 والترجيع بقى اللى شغال معاه من وقت
الولاده وكل ما يرضع رضعه يرجعها كلها وبيرجع
من بقه ومناخيره تقريبا كده كل الرضاعة بيرجعها
مع العلم بيرضع كويس ونفسه بيزيد ؟
👨🏻⚕️ كويس ياماما أما هبدأ من اللى حضرتك
انتهيتى بيه أنه طالما بيرضع كويس ووزنه بيزيد
فده برضو طبيعى
بعد الولادةالاساسيات
🤱 يعنى مش هياخد اى ادوية؟؟
👨🏻⚕️ هياخد بس برضو مش هيخف وممكن
الموضوع ده ياخد معاه من ٦ شهور لسنة وأدوية
زى موتينورم وجاست ريج وحاجة تخف
الحموضة زى مالوكس بس مش عاوز أحبط
حضرتك هو برضو هيفضل يرجع لحد الفترة اللى
قولت لحضرتك عليها.
🤱 طب يادكتور انا برضعه طبيعى وسمعت كلمة
انى لازم ارضعه كل ساعتين وانظم الرضاعة ؟
👨🏻⚕️ مافيش حاجة اسمها تنظيم رضاعة مع
الطبيعى والطفلة يرضع وقت اللزوم .
🤱 ابنى بقى يادكتور عينه الشمال من وقت
الولاده هو ما شاء الله عنده شهر ومن وقتها
وعينه بتعمل إفرازات جامده اوى وبتحمر ؟!
👨🏻⚕️ ده اسمه انسداد فى القناة الدمعية و ٩٠٪ من
الأطفال بتخف لوحدها والعلاج كمادات مائه
دافية من فوق لتحت ١٠ مرات كل مرة
وبنستخدم وقت الافرازات مضاد حيوى زى
الفيجاموكس ومرهم باليل داخل العين وال ١٠٪
اللى مش بيخفوا بيتعملهم عملية تسليك للقناة
الدمعية ع سن سنة ونص.
بعد الولادة الاساسيات
🤱 معلش بقى يادكتور بتقل عليك كنت عاوزه
اعرف من حضرتك قصة الفيدروب وجرعته ومن
سن كام وأدى كالسيوم امتى ؟
👨🏻⚕️ الفيدروب اسمه العلمى فيتامين د جرعته ٤٠٠
وحده يوميا وكل نقطة من الفيدروب فيها ١٠٠
وحده فأنا محتاج ٤ نقط يومياً تحت سنة و ٦
نقط فوق سنة ودى جرعة وقائيه .. أما بالنسبة
للكالسيوم فممنوع الا لو عملنا تحليل كالسيوم
كلى ومتأين وظهرلنا أنه فى نقص وقتها هنصرف
كالسيوم غير كده لأ لانه بيأثر على الكلى وبيعمل
حصاوى وبلاوى زرقا
🤱 طب مافيش حاجة مضغ عشان أدوية الشرب
والنفط ابنى قارفنى ومابيشربش دواء ؟
👨🏻⚕️فى لو يقدر يمضغ الدى ثرى كاندى اطفال
اقراص مضغ وكل قرص بيحتوى ع ٤٠٠ وحدة
يعنى قد الاربع نقط من الفيدروب وبطعم
الشيكولاتة
🤱 طب والحديد ؟
👨🏻⚕️ ده على سن ٤ إلى ٦ شهور وبنديه برضو
كجرعة وقائيه عشان نمنع الانيميا ونقص
الحديد.
🤱 سؤال تانى يادكتور ابنى عنده فتقين واحد
سره وبلبسله حزام والتانى اربى عاوزه اعرف بقى
علاجهم ايه؟
👨🏻⚕️ ناخدهم واحد واحد فتق السره مشهور جدا
فى كتير من الأطفال ومش بنستعمل حزام سره
ممنوع وغالباً هيخف على سنه ولو ماخفش
عملية انما الفتق الاربى عملية ع طول .
🤱 حماتى بقى يادكتور من لما اتولد ابنى وبتلف
حوالينا بطنه وظهره بحاجة كده شبه الملائكه
بحجة أنها بتسند ظهره ايه رأى حضرتك ؟
👨🏻⚕️ ممنوووووع ده بيخنق الطفل اكتر ومالوش
فايده جهاز الطفل العصبى بيكبر ويكتمل ببطء
وعلى مراحل يعنى مش هتفيده.
🤱 والاستحمام يادكتور وقت الشتاء والصيف ؟
👨🏻⚕️ الشتاء يوم استحمام ويومين لأ .. الصيف كل
يوم.
🤱 سورى يادكتور طب امتى اقدر اعمل عملية
الطهارة ؟
👨🏻⚕️ من اول يوم وطبعاً الجراح بعد الفحص يقدر
يعرفك الموعد المناسب .
👨🏻⚕️ فى حاجة تانى ياماما فى حديث الولادة
عاوزه تسألى عليه ؟
🤱 شكراً لحضرتك يادكتور كده كل حاجة
واضحة وتمام
نقلا عن
#د_محمد_الملا 👶🍼🧑
اخصائي اطفال وحديثى الولاده
- ليصلكم مزيد من المعلومات عن
الاساسيات بعد الولادة
او من خلال صفحتنا علي الفيس بوك
https://www.facebook.com/egypt.now.news.network/
التعليقات مغلقة.